देशका भिन्नाभिन्नै भूभागहरूमा भएका आगलागीका घटनाबाट विभिन्न धनमाल जलेर नष्ट भएको बताइएको छ ।
रुकुम पश्चिम, आठबिसकोट नगरपालिका-४ बगेना बस्ने मान बहादुर मल्लको घरमा विद्युत् सर्ट भई गए राति आगलागी हुँदा भाँडा वर्तन, लत्ताकपडा, अन्नपात गरी करिब ३ लाख रुपैयाँ बराबरको धनमाल जलेर नष्ट भएको छ ।
सिन्धुपाल्चोक, सुनकोशी गाउँपालिका-६ सिमलडाँडा बस्ने ७३ वर्षीय तारा बहादुर भण्डारीको घरमा करेन्ट सर्ट भई शनिबार बिहान आगलागी हुँदा घर पूर्ण रूपमा जलेर करिब ३ लाख रुपैयाँ बराबरको धनमाल नष्ट भएको छ ।
कैलाली, टिकापुर नगरपालिका-८ कर्मिडाडा बस्ने ३३ वर्षीय अमन बिकको भान्सा कोठामा विद्युत् सर्ट भई शुक्रबार राति आगलागी हुँदा करिब १ लाख १५ हजार रुपैयाँ बराबरको धनमाल जलेर नष्ट भएको छ ।
नवलपरासी पूर्व, कावासोती नगरपालिका-१७ गोछडा बस्ने ३० वर्षीया सोहाना चौधरीको घरमा गए राति आगलागी हुँदा करिब १ लाख ५० हजार रुपैयाँ बराबरको धनमाल जलेर नष्ट भएको छ ।
नुवाकोट, बेलकोटगढी नगरपालिका-९ डाडागाउँ बस्ने ५६ वर्षीय युद्ध प्रसाद पुडासैनीको घरमा विद्युत् सर्ट भई शनिबार बिहान आगलागी हुँदा अन्नपात, जस्तापाता, लत्ताकपडा र भाँडा वर्तन लगायतका सामान जलेर करिब ६ लाख ६१ हजार रुपैयाँ बराबरको धनमाल नष्ट भएको छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
