कञ्चनपुर, २२ कार्तिक । कञ्चनपुरको महेन्द्रनगरमा रहेको सामाजिक विकास अभिवृद्धि केन्द्र रेडियो कञ्चनपुर ९०.२ मेगाहर्जको पाँचौँ अधिवेशन आज सम्पन्न भएको छ । सामाजिक विकास अभिवृद्धि केन्द्र रेडियो कञ्चनपुर ९०.२ मेगाहर्जको पाँचौँ अधिवेशन संस्थाका अध्यक्ष लालमनि पाण्डेयको अध्यक्षता र भीमदत्त नगरपालिकाका नगरप्रमुख पदम बोगटीको प्रमुख आतिथ्यमा सम्पन्न भएको हो ।
यसै गरी कार्यक्रमका विशिष्ट अतिथि वेदकोट नगरपालिकाका नगरप्रमुख भोजराज बोहरा रहनुभएको थियो । कार्यक्रमको आतिथ्यता यस संस्थाका संस्थापक भानुभक्त जोशी, संस्थाका शेयर सदस्य तथा नेपाली काँग्रेस कञ्चनपुरका सचिव भीमराज भट्ट, संस्थाका शेयर सदस्य तथा नेपाली काँग्रेस कञ्चनपुरका पूर्व कोषाध्यक्ष कृष्ण कुँवर क्षेत्री, नेपाल राष्ट्रिय समाज कल्याण सङ्घ (NNSWA) कञ्चनपुरका कार्यकारी निर्देशक अशोक विक्रम जैरु, जेके मेडिकेयरका सञ्चालक देवराज पाण्डेय लगायतका व्यक्तिहरू रहनुभएको थियो ।

कार्यक्रममा सचिव सिद्ध राज भट्टले साङ्गठनिक प्रतिवेदन र संस्थाका कोषाध्यक्ष मीन बहादुर साउदले आर्थिक प्रतिवेदन प्रस्तुत गर्नुभएको थियो । स्वागत मन्तव्य संस्थाका उपाध्यक्ष अनिता मडैले राख्नु भएको थियो । कार्यक्रममा संस्थापक अध्यक्ष भानुभक्त जोशी, निवर्तमान स्टेसन म्यानेजर केशव साउद, नेपाल राष्ट्रिय समाज कल्याण सङ्घका कार्यकारी निर्देशक अशोक विक्रम जैरु, जेके मेडिकेयरका सञ्चालक देवराज पाण्डेयलाई सम्मान गरिएको छ ।

संस्थाको पाँचौँ अधिवेशनले कृष्ण सिंह देउवाको नेतृत्वमा नयाँ कार्यसमिति समेत चयन गरेको छ । समिति उपाध्यक्षमा अनिता मडै, सचिवमा सिद्धराज भट्ट, सहसचिवमा जय बहादुर बुढाऐर, कोषाध्यक्षमा केशव राज पन्त चयन भएका छन् । त्यसै गरी कार्यसमिति सदस्यहरूमा विर्ख बहादुर मल्ल, टेक बहादुर कठायत, ईन्द्रा साउद र मान बहादुर बुढा चयन भएका छन् । कार्यक्रमका संस्थाका शेयर सदस्यहरूको सहभागिता रहेको थियो ।